HEGAZY ACADEMY

موضوعى الاسبوع ده اسمه (قول الو) دلوقتى ياجماعه خلاص كلوا بئه معاه محلول  قصدى محمول وبئه خلاص كل اللى عايز حد يجيبه فى ثانيه حتى لو كان فى كولالامبور يجيبه دلوقتى بنلاقى اللى مامعوش ياكل شايل موبيل حاجه تجن طب انت مش لاقى تاكل شايلى موبيل وبيشحن كمان ويتكلم ويقعد يحوش مش عشان يشترى موبيل احدث من اللى معاه حاجه تجن وكل ماحاجه تنزل جديده عاوز يجبها انا اعرف وعن نفسى مثلا جبت موبيل نظيف خلاص بقى يقعد معايه ع طول مش كاميرا وكام ميجا بيكسل وده بكامرتين يصور نفسه وش وظهر ههههه اوكى دى حاجات جميله بس خلاص جبت موبيل فيه الحاجات دى ماتجبش حاجه تانيه بئه ترمى اللى معاك وعاوز تجيب موبيل تانى دى نقطه نقطه تانيه احب اتكلم فيها الموبيل ياجماعه علمنا النداله كل واحد دلوقتى مش عاوز يكلم حد والتانى عمال يطلبه وطالع عينه والتانى منفضله ع الاخر وكل مايشوف نمرته يييييي انت تانى ومنفض له ع الاخر الصراحه بينى وبينكوا انا كتير بعمل كده مع صحابى لما ماكنش فايق لحد ومزاجى مش رايق مره حصلى موقف واحد صحبى كان عاوز يشوفنى واناا كنت الصراحه مدايق فى الايام دى وزهقان عمال يرن ويتصل وقرفنى لغاية ماكنت همسك الموبيل اكسره لمدة اسبوع انسان لحوح قرفت لغاية ماقفشنى فى يوم اص الواد طلع زكى راح عمل ايه اناا كنت قاعد فى كافينريا بعد كده الواد راح بيرن عليا وبعدين انا قاعد رحت مسكت الموبيل وشفت النمره ونفضت منه الواد ده كان فى نفس الكافيتريا الللى انا كنت قاعد فيها شوفتوا الحظ النحس راح جالى وحط ايده ع كتفى اناا بصطله وكنت نفسى الارض تنشق وتبلعنى روحت قولت استهبل رحت قولتله حبيبى كنت لسى هكلمك هههههههههه والواد طبعا فهم انى بضحك عليه روحت قولت عترفله لانه هيزعل منى وشرحتله بقى قولتله والله انا كنت زهقان وكده ومش بكلم حد بس والمموقف عدى ومن ساعتها خلاص توبه بقيت بنفض لكل اصحابى ههههههههه فى برضوه حاجه مافيش حد بيطلب حد فى الزمن ده ولا لو عاوز منه حاجه مافيش حاجه لله كده لازم يطلب منه حاجه يعنى الموبيل ده الصراحه زى ماله فوايده له عيوبه واحنا اللى بنخلق العبوب دى بنفسنا يارب يكون ماطولتش عليكم وموضوعى عجبكوا  وشكرا ليكوا  امضاء (عميد الاكاديميه)